WATUMISHI WATAKIWA KUJIANDIKISHA KATIKA DAFTARI LA KUDUMU LA MPIGA KURA

Posted on: May 1st, 2025

Mkuu wa Mkoa wa Geita Mhe. Martine Shigela amewataka watumishi wote katika mkoa wa Geita kujiandikisha katika daftari la kudumu la mpiga kura.

Hayo yamebainishwa leo tarehe 01 Mei, 2025 wakati wa maadhimisho ya siku ya wafanyakazi duniani yaliyofanyika katika viwanja vya CCM Kalangalala

Mhe. Shigela amesema kuwa hakuna mtumishi ambaye ana umri chini ya miaka kumi na nane hivyo wote wenye sifa waende kujiandikisha katika daftari la kudumu la mpiga ambapo utawapa kibali cha kuchagua viongozi ambao watakuwa chachu katika kujali na kuthamini haki na maslahi ya  wafanyakazi.

Kwa mkoa wa Geita Uboreshaji wa Daftari la Kudumu la Wapiga Kura awamu ya pili unafanyika sambamba na uwekaji wazi wa Daftari la Awali la Wapiga Kura na umeanza leo tarehe 01 Mei, 2025 na kukamilika tarehe 07 Julai, 2025.

Aidha, Mhe. Shigela amewapongeza viongozi wa vyama wa wafanyakazi mkoani Geita pamoja na wafanyakazi wote kwa maandalizi na ushiriki wa maadhimisho haya yaliyofanyika kimkoa katika Halmashauri ya Manispaa ya Geita

Kilele cha maadhimisho ya siku ya wafanyakazi duniani kitaifa yamefanyika mkoani Singida katika  viwanja vya Bombadia na kauli mbiu ya mwaka huu inasema;

"Uchaguzi mkuu 2025 utuletee viongozi wanaojali na kuthamini haki na maslahi ya  wafanyakazi, sote tushiriki"

BOFYA HAPA KUONA PICHA ZAIDI

TUFUATILIE KATIKA MITANDAO YETU YA KIJAMII
Instagram

Facebook

X

Youtube