Miradi ya zaidi ya Shilingi Bilioni mbili yamkosha Waziri Mkuu Geita Mjini

Posted on: November 28th, 2018

Waziri Mkuu wa Jamhuri ya Muungano wa Tanzania Mheshimiwa Kassimu Majaliwa amefurahishwa na kuridhishwa
na miradi ya maendeleo inayoendelea kutekelezwa katika Halmashauri ya Mji wa Geita
 ambapo hadi kukamilika kwake itagharimu zaidi ya 8.5 Bilioni.


Mhe. Kassimu Majaliwa amedhihirisha hayo alipotembelea miradi ya ujenzi wa soko kuu la Geita Mjini na  ofisi za halmashauri za mji huo,

 


Alisema Soko jipya   ambalo linatarajiwa kufunguliwa rasmi mwezi januari mwakani ambalo
litatumiwa na wafanyabiashara 200 ni fursa nzuri ya kuinua uchumi wa mji huo.

 

Alisema pia
 ameridhishwa na mkakati uliowekwa kuhakikisha, wale wote ambao walikuwa na vibanda katika
soko la zamani,wanapewa maeneo mapya.

 

Akizungumzia ujenzi wa majengo mapya ya halmashauri ya mji wa Geita,
 alieleza  kuridhishwa na mradi huo ambao sasa yamegharimu   kiasi cha 2.5 bilioni katika awamu ya kwanza
 na hadi jengo kukamilika utagharimu 6.6 bilioni.



 

Awali Mkuu wa mkoa wa Geita, Mhandisi Robert Gabriel alisema halmashauri ya mji wa Geita ,
 imejipanga kufanya mabadiliko makubwa ya mji ambao sasa utakuwa moja ya miji bora nchini lakini pia
 kuendelea kuongoza kwa kukusanya mapato.

 


Mwenyekiti wa halmashauri ya Mji wa Geita, Leonard Lugomola alisema wamejipanga kuhakikisha
wakazi wa Geita wananufaika kutokana na fedha za ndani na serikali.