MICHEZO HUJENGA URAFIKI

Posted on: February 8th, 2025

Hayo yamedhihirishwa tarehe 08 Februari, 2025 katika bonaza la Watumishiwa Idara ya Afya lililowahusisha watumishi wa Idara za Afya kutoka Halmashauri ya Manispaa ya Geita na Hospitali ya Wilaya ya Nyamagana (Sekou Toure) lililofanyika katika viwanja vya Shule ya Wasichana ya  Sekondari ya Nyankumbu.

Katika bonaza hili lililoshirikisha michezo mbalimbali na matokeo yake yakiwa kama ifuatavyo; kwa upande riadha mita 100 timu ya wanawake kutoka Geita iliongoza na  upande wa wanaume kutoka Geita waliongoza pia

Kwa mchezo wa kukimbia na magunia timu za wanawake na wanaume kutoka Geita ziliongoza katika mchezo huu, kwa mchezo wa Kukimbia na Mayai kwenye Kijiko timu za  wanawake na wanaume kutoka Geita ziliongoza.

Kwa mchezo wa kuvuta Kamba timu za wanawake na wanaume kutoka Geita ziliibuka kidedea, katika Kukimbiza Kuku timu ya wanawake Geita iliibuka mshindi huku upande wa wanaume Sekou Toure wakiondoka na ushindi.

Kwa upande wa draft wanaume wa Geita waliongoza ushindi huku upande wa Karata timu ya wanawake kutoka Geita iliongoza na kwa upande wa wanaume Sekou Toure walijinyakulia ushindi.

Vile vile kwenye mchezo wa mpira wa nyavu (netball) Geita imeshinda goli 20 kwa 15 dhidi ya Sekou Toure wakati mpira wa miguu zikitoka kwa sare ya goli moja kwa moja

Ushiriki wa Bonaza hili ni muendelezo wa urafiki kati ya Manispaa ya Geita na Wilaya ya Nyamaga ambapo itakumbukwa tarehe 01 Februari, 2025 Manispaa ya Geita ilialikwa katika bonaza lililofanyika katika viwanja vya Butimba TTC  Wilayani Nyamagana ambapo Geita iliiburuza Wilaya ya Nyamagana kwa kushinda michezo yote mitatu.

MATUKIO KATIKA PICHA