BONAZA LA WATUMISHI WA HALMASHAURI YA MANISPAA YA GEITA NA HALMASHAURI YA WILAYA YA KWIMBA

Posted on: June 28th, 2025

Halmashauri ya Manispaa ya Geita inaendelea na maandalizi ya mashindano ya SHIMISEMITA

Hayo yamebainishwa siku ya Jumamosi tarehe 28 Juni, 2025 na Bi. Mary Nehemiah, kwa niaba ya Mkurugenzi wa Manispaa ya Geita,  wakati wa Bonaza la watumishi wa Halmashauri ya Manispaa ya Geita na watumishi wa Halmashauri ya Wilaya ya Kwimba lililofanyika katika viwanja vya Shule ya wasichana Nyankumbu iliyopo katika Manispaa ya Geita.

Bi. Mary amesema, pamoja na kuwa michezo inajenga afya na kuimarisha urafiki, Manispaa inaendelea kujipima kimichezo ili kuhakikisha inafanya vyema katika mashindano ya SHIMISEMITA na kuhakikisha inarudi na makombe ya kutosha kama ishara ya ushindi

Katika bonaza hilo Halmashauri ya Manispaa ya Geita iliibuka mshindi wa goli moja kwa sifuri dhidi ya Halmashauri ya Kwimba katika mchezo wa mpira wa miguu kwa wanaume.

Wakati Halmashauri ya Kwimba iliibuka kidedea katika mchezo wa mpira wa mikono (netball) kwa wanawake kwa goli 15 kwa 14 dhidi ya Manispaa ya Geita

Nao watumishi kutoka katika Halmashauri ya Wilaya ya kwimba wameishukuru Manispaa ya Geita kwa Mapokezi mazuri na kuwezesha ufanyikaji wa bonaza hili

MATUKIO MBALIMBALI KATIKA PICHA

TUFUATILIE KATIKA MITANDAO YETU YA KIJAMII
Instagram

Facebook

X

Youtube