Mh. Jaji Mstaafu Mbaruku ametembelea Vituo vya Uboreshaji wa Taarifa za Wapiga Kura

Posted on: May 1st, 2025

Asubuhi ya leo, Mheshimiwa Jaji Mstaafu Mbaruku, Makamu Mwenyekiti wa Tume Huru ya Taifa ya Uchaguzi, ametembelea vituo vitatu vya uboreshaji wa taarifa za wapiga kura katika maeneo mbalimbali. Vituo alivyotembelea ni pamoja na:

• Kituo cha Buhalahala, Kata ya Buhalahala
• Kituo cha Kanyala Msingi
• Kituo cha Kasamwa, Kata ya Kasamwa

Katika ziara hiyo, Mh. Jaji Mbaruku ameridhishwa na mwitikio mzuri wa wananchi ambao wamejitokeza kwa wingi kuboresha taarifa zao na kujiandikisha kama wapiga kura. Amepongeza wananchi kwa kuonyesha uzalendo na uelewa wa haki yao ya kidemokrasia.

Aidha, ametoa wito kwa wananchi wote ambao bado hawajafanya hivyo, kuhakikisha wanatumia siku hizi zilizobaki saba kujiandikisha au kuboresha taarifa zao. Amesisitiza kuwa hakutakuwa na muda wa nyongeza, hivyo ni muhimu kutumia nafasi hii kikamilifu.